پاکستان کرکٹ ٹیم کے سابق فاسٹ باؤلر شعیب اختر نے سلمان خان کے ساتھ لی گئی ایک تصویر شیئر کر دی۔
سوشل میڈیا ویب سائٹ انسٹاگرام پر شعیب اختر نے لکھا کہ میرے لیے کامیابی ایک اچھا انسان بن جانا ہے۔
ساتھ ہی یہ تصویر شیئر کرتے ہوئے انہوں نے بالی ووڈ کے دبنگ اسٹار سلمان خان کو بھی ٹیگ کیا۔
واضح رہے کہ یہی تصویر شعیب اختر اس سے قبل 2016 میں بھی اپنے ٹوئٹر اکاؤنٹ پر شیئر کر چکے ہیں جس کےکیپشن سے یہ معلوم ہوتا ہے کہ سلمان خان کے ہمراہ ہاتھ ملاتے ہوئے یہ تصویر دبئی میں لی گئی جو کہ چار پانچ سال پرانی ہے۔
انہوں نے اپنے ٹوئٹ میں سلمان خان کی تعریف کرتے ہوئے کہا کہ اُن کی فاؤنڈیشن ایک بہترین کام کر رہی ہے۔