شہر کراچی کے موسم سے متعلق محکمہ موسمیات نے پیش گوئی کی ہے کہ شہرِ قائد میں 23 مارچ کی شام اور 24 مارچ کی صبح بارش متوقع ہے۔
محکمہ موسمیات کے مطابق مغربی ہواؤں کا سلسلہ 20 مارچ سے پاکستان میں داخل ہوگا، جبکہ موسم کی تبدیلی کے باعث درجہ حرارت بڑھنے کا بھی امکان ہے اور بدھ تک شہر کا درجہ حرارت 36 ڈگری تک پہنچ سکتا ہے۔
محکمہ موسمیات نے کہا ہے کہ سندھ اور راجستھان سے چلنے والی ہوائیں شہر کا موسم گرم کرنے کا باعث بنیں گی۔