دنیا بھر میں دہشت کی علامت بننے والے کورونا وائرس کے باعث بہت سے ممالک میں اسکول کالجز بند کر دیے گئے ہیں تاکہ بچے اپنے گھروں میں محفوظ رہ سکیں۔
ایسے موقع پر سوشل میڈیا پر صارفین والدین کو مختلف مشورے بھی دیتے نظر آرہے ہیں کہ ان حالات میں جب اسکولز بند ہیں تو بچوں کو گھروں میں رہ کر کن سرگرمیوں میں مصروف رکھا جا سکتا ہے۔
اس حوالے سے پاکستان شوبز کی معروف اداکارہ آمنہ شیخ نے حال ہی میں اپنے انسٹاگرام اکاؤنٹ پر کچھ ویڈیوز شئیر کیں جس میں وہ اپنی بیٹی کو ایک دلچسپ کہانی سناتی نظر آ رہی ہیں۔
اداکارہ آمنہ شیخ نے اس ویڈیو میں تمام والدین کو مشورہ دیتے ہوئے کہا کہ وہ اپنے بچوں کو گھروں میں تعلیم دیں اور اردو کی کہانیاں سنائیں۔