کورونا وائرس کا خوف ہر شخص میں ہے جبکہ پاکستان میں سندھ اور پنجاب میں لاک ڈاؤن ہو چکا ہے۔ بازار، اسکولز، کالج اور یونیورسٹیاں بند پڑیں ہیں۔
گورنمنٹ اور ڈاکٹروں کی جانب سے شہریوں کو چند ہدایات دی گئیں ہیں جن پر عمل کر کے اس وائرس سے بچا جا سکتا ہے۔ ہماری شوبز انڈسٹری سے تعلق رکھنے والے فنکار بھی عوام کو مشورے دینے میں پیش پیش ہیں۔
پاکستانی ڈرامہ انڈسٹری کی معروف اداکارہ عائزہ خان نے اپنے انسٹاگرام اکاؤنٹ پر اپنی بیٹی حورین تیمور کی چند ویڈیوز شئیر کیں جنہیں مداحوں کی جانب سے بے حد پسند کیا گیا۔
حورین اپنی ویڈیوز میں ہاتھ دھونے کی بھی ہدایت کرتی نظر آ رہی ہیں۔
اس کے علاوہ ایک ویڈیو میں حورین اپنے والد اداکار دانش تیمور کے ساتھ بھی نظر آ رہی ہیں۔ ویڈیو میں وہ اداکار دانش سے پوچھ رہی ہیں کہ ان کے اسکول کب کھلیں گے؟