اس مشکل وقت میں ماہرہ خان نے غریب ملازمین کو چھٹیاں اور تنخواہ فراہم کرنے کی درخواست کر دی

عالمی وبا کورونا وائرس کے باعث نامور اداکارہ ماہرہ خان نے مالکان سے ملازمین کو تنخواہ کے ساتھ چھٹی دینے کی درخواست کی ہے۔

معروف اداکارہ ماہرہ خان کورونا وائرس سے متعلق اپنے مداحوں اور عوام میں آگاہی پھیلا رہی ہیں۔ اس بار ماہرہ کی جانب سے ٹوئٹ کی گئی جس میں انہوں نے گھروں کے مالکان سے ان کے ملازمین کے لئے درخواست کرتے ہوئے کہا کہ اگر آپ تعلیم یافتہ ہیں اور آپ بغیر کام کئے ایک ماہ گزار سکتے ہیں تو یہ لڑائی پھر کسی اور کے لیے نہیں بلکہ آپ کے لئے ہے۔

If you are educated, if you can survive a month without work or in a position of power/privilege then this battle is yours more than anyone else’s! We must take care of those who are not in our position - make them aware, give them paid leaves, make their life easy! #COVID2019

— Mahira Khan (@TheMahiraKhan) March 24, 2020

ماہرہ خان نے کہا اس مشکل وقت میں ہمیں ان لوگوں کا خاص خیال رکھنا چاہئے جو ایسی طاقت نہیں رکھتے ہیں، انہیں آگاہی فراہم کریں، انہیں چھٹی کے ساتھ تنخواہ دیں اوران کی زندگی آسان بنائیں۔