کورونا وائرس نے پاکستان بھر میں خوف کی فضاء قائم کر رکھی ہے جبکہ وائرس کے خطرے کے سبب ملک کے بیشتر علاقوں میں لاک ڈاؤن کر دیا گیا ہے۔
پاکستان شوبز انڈسٹری سے تعلق رکھنے والی معروف اداکارہ صنم جنگ کی بیٹی علایہ نے اپنا معصوم پیغام لوگوں کو دیا۔
علایہ نے ویڈیو پیغام میں کہا کہ 'باہر نکلتے ہوئے دستانوں کا استعمال کریں اور ماسک پہنے بنا گھر سے باہر نہ نکلیں'۔
واضح رہے اس سے قبل اداکارہ عائزہ خان بھی اپنی بیٹی حورین تیمور کی کورونا وائرس کے حوالے سے متعدد ویڈیوز اپنے انسٹاگرام اکاؤنٹ پر شئیر کرتی رہی ہیں۔