گزشتہ کچھ دنوں سے اپنی خوبصورت ترین مسکراہٹ کے سبب سوشل میڈیا پر دنیا بھر میں شہرت حاصل کرنے والی ایران کی چائلڈ ماڈل اناہیتا ہاشم زادہ سے متعلق ویڈیوز گردش کررہی ہیں کہ وہ بھی عالمی وباء کورونا وائرس کا شکار ہوگئیں ہیں۔
لیکن کیا یہ سچ ہے کہ اناہیتا بھی کورونا کا شکار ہوگئی ہیں؟
تاہم سوشل میڈیا پر اس حوالے سے گردش کرنے والی ویڈیوز میں ماڈل اناہیتا ہاشم زادہ نہیں ہیں بلکہ ان ہی کی طرح دکھنے والی کوئی اور بچی ہے۔
سوشل میڈیا پر گردش کرنے والی کچھ ویڈیوز کے اسکرین شاٹس دیکھیں۔۔۔
ویڈیوز کے حوالے سے اناہیتا ہاشم زادہ کے نام سے آفیشل انسٹاگرام اکاؤنٹ چلانے والی اُن کی والدہ نے بتایا کہ گردش کرنے والی ویڈیوز میں اناہیتا نہیں بلکہ ان کی کوئی ہم شکل بچی ہے۔
انہوں نے بتایا کہ بے بی ماڈل بالکل ٹھیک ٹھاک ہیں اور وہ اس عالمی وباء کورونا وائرس کا شکار نہیں ہوئی ہیں۔