سماجی رابطے کی ویب سائٹ انسٹاگرام پر ملالہ نے اپنی ایک تصویر شئیر کی جس میں انہوں نے مداحوں کو اپنے نئے تجربے کے بارے میں بتایا جو انہوں نے اپنے بالوں پر کیا۔
ملالہ یوسفزئی نے پوسٹ میں امریکی ہئیر اسٹائلسٹ جوناتھن وین نیس کو مخاطب کرتے ہوئے انہیں قرنطینہ کے دوران کچھ نہ کرنے کی انہی کی نصیحت یاد دلائی، لیکن ساتھ ہی شرارتی لہجے میں یہ بھی لکھا کہ وہ ان کی نصیحت کے برخلاف یہ کام (ہئیر کٹنگ) کر چکی ہیں۔
ملالہ نے کیپشن میں لکھا کہ جوناتھن وین نیس نے کہا تھا کہ 'قرنطینہ کے دوران اپنے ساتھ نت نئے تجربے نہ کریں لیکن میں نے اپنے بال سامنے سے خود کاٹ دئیے ہیں۔ کیا میں نے بال صیح کاٹے ہیں؟'
جوناتھن نے ملالہ کے ہئیر اسٹائل کو پسند کرتے ہوئے جواب میں لکھا 'آپ نے مجھے بے حد متاثر کیا ہے'۔
ملالہ کی اس تصویر پر معروف سماجی کارکن، آرٹسٹ اور اسپیکر منیبہ مزاری نے بھی کمنٹ کیا جس میں انہوں نے ملالہ کو 'کیوٹ' کہا۔
اس کے علاوہ ملالہ کے مداحوں نے بھی ان کے اس ہئیر اسٹائل کو کافی سراہا۔
ایک مداح نے لکھا کے یہ فرنج (بالوں کی کٹنگ) آپ پر سوٹ کر رہی ہے۔
