ٹک ٹاک اور مختلف سیاستدانوں کے ساتھ تصاویر لینے کی وجہ سے شہرت حاصل کرنے والی حریم شاہ نے انکشاف کیا ہے کہ انہیں ایک نامور ٹی وی چینل نے رمضان ٹرانسمیشن میں میزبانی کرنے کی پیشکش کی ہے۔
سماجی رابطے کی ویب سائٹ ٹوئٹر پر حریم شاہ نے ٹوئٹ کیا کہ 'رمضان ٹرانسمیشن 2020 کی میزبانی کے لئے مجھ سے ملک کے ایک معروف ٹی وی چینل نے رابطہ کیا ہے'۔
انہوں نے سوال بھی کیا کہ 'کیا آپ مجھے رمضان ٹرانسمیشن کی میزبانی کرتے ہوئے دیکھنا چاہتے ہیں؟ اپنے خیالات سے آگاہ کریں'۔
حریم شاہ کے اس ٹوئٹ پر سوشل میڈیا صارفین نے کافی غصے کا اظہار کیا۔ ردّعمل ملاحظہ کریں۔
واضح رہے حریم شاہ نے اپنے ٹوئٹ میں چینل کا نام نہیں بتایا۔