دو روز قبل سانگھڑ سے یہ خبر سامنے آئی تھی کہ سندھ حکومت کی جانب سے تقسیم کیا راشن ایکسپائر ہے جبکہ رات کی تاریکی میں راشن کا وزن بھی کم کر دیا گیا ہے۔
تفصیلات کے مطابق 13 سال پرانی پتی راشن کے تھیلوں میں موجود تھی، جبکہ دال، چاول اور آٹا بھی غیر معیاری تھا۔ لوگوں کی ایک بڑی تعداد ہے جو یہ کہہ رہی ہے کہ راشن حکومت اپنے من پسند افراد میں تقسیم کر رہی ہے۔
تاہم اس حوالے سے پی پی پی کے رہنما امتیاز شیخ نے ندیم ملک کے پروگرام میں گفتگو کرتے ہوئے اس خبر کی مکمل تردید کر دی۔
ندیم ملک نے سوال کیا کہ 'کیا آپ نے عوام میں ایکسپائر سامان تقسیم کیا؟' جس پر امتیاز شیخ نے کہا کہ 'بالکل نہیں، ہم نے تمام سامان یوٹیلیٹی اسٹور سے خریدا ہے۔ ہمیں کہیں سے شکایت موصول نہیں ہوئی۔ اگر کوئی چھوٹی موٹی شکایت آئی بھی ہے تو اس کا فوری نوٹس لیا گیا ہے'۔