کورونا وائرس کے باعث دنیا بھر کے کئی ممالک میں لاک ڈاؤن کی صورتحال برقرار ہے جبکہ لوگ سماجی رابطے کی ویب سائٹس پر دلچسپ سرگرمیاں سرانجام دے رہے ہیں۔
تفصیلات کے مطابق بالی ووڈ کی معروف اداکارہ اور سابق مس یونیورس سشمیتا سین اپنی بیٹیوں کے ساتھ انسٹاگرام پر اپنے اکاؤنٹ سے لائیو آئیں۔
اداکارہ اور ان کی بیٹیوں نے قرآن کی سورہ عصر کی تلاوت کی جبکہ ایک مداح نے ان سے سوال کیا کہ آپ پاکستان کب آئیں گی؟ جس کا انہوں نے جواب دیا کہ میں جلد ہی پاکستان آؤں گی، میں کراچی 3 مرتبہ آ چکی ہوں جہاں مجھے لوگوں سے بے حد پیار ملا۔