دنیا بھر میں مقبول ہونے والا ترکش ڈرامہ ارطغل غازی وزیرِاعظم پاکستان عمران خان کی ہدایت کے بعد پاکستان ٹیلی ویژن پر نشر کیا جا رہا ہے۔ ترکی کا یہ مشہور ڈرامہ 13ویں صدی میں اناطولیہ میں سلطنت عثمانی کے قیام سے قبل کے دور کی کہانی کو بیان کرتا ہے۔
سینیٹر فیصل جاوید خان نے سماجی رابطے کی ویب سائٹ ٹوئٹر پر اپنے جاری کردہ پیغام میں کہا ہے کہ ایک اور تاریخ پر مبنی ترکش ڈرامہ 'یونس امرہ' جلد ہی نشر کیا جائے گا۔ یونس امرہ ایک صوفی شاعر اور غریب دیہاتی تھے۔ یہ ایک عظیم صوفی کی کہانی ہے جنہوں نے اپنی ساری زندگی اللہ کی تلاش میں وقف کردی۔