رمضان المبارک کا دوسرا عشرہ اختتام پذیر ہے جبکہ کچھ دنوں میں ہی عید الفطر آنے والی ہے۔
عید کی وجہ سے مارکیٹیں کھلنے کی تفصیلات سندھ حکومت نے جاری کردیں۔
تفصیلات کے مطابق عید سے قبل صرف 7 دن مارکیٹیں کھلی رہیں گی، رواں ہفتے پیر سے جمعرات 4 دن مارکیٹیں کھلی ہوں گی۔
سندھ حکومت کے نوٹیفیکیشن کے مطابق جمعہ ہفتہ اور اتوار کو لاک ڈاؤن کی وجہ سے مارکیٹیں بند ہوں گی۔
تاہم آئندہ ہفتے 24، 25 اور 26 رمضان (پیر منگل اور بدھ) کو 3 دن مارکیٹیں کھلی رہیں گی، جمعرات کو شبِ قدر کی وجہ سے مارکیٹیں بند ہوں گی، جبکہ 27 رمضان کو تاجر برادری شب قدر کی وجہ سے مارکیٹیں بند رکھتے ہیں۔
اس مرتبہ لاک ڈاؤن کی وجہ سے چاند رات کو خریداری ممکن نہیں ہوگی، 28، 29 اور 30 رمضان یعنی جمعہ، ہفتہ اور اتوار کو لاک ڈاؤن کی وجہ سے مارکیٹیں بند رکھی جائیں گی۔
30 رمضان اتوار اور پیر کے روز سے عید کی تعطیلات ہوں گی، عید کے بعد کا پہلا دن لاک ڈاؤن کا ہوگا، عید الفطر کی تعطیلات کے بعد جمعہ، ہفتہ اور اتوار یعنی 29، 30 اور 31 مئی کو لاک ڈاؤن برقرار ہوگا۔