شہرِ قائد میں 9 مئی سے لاک ڈاؤن میں نرمی کردی گئی تھی جبکہ کاروبار کھولنے کی بھی اجازت دے گئی تھی۔
بازاروں کے کھلتے ہی شہر بھر میں شدید رش دیکھا گیا۔ ٹریفک کی صورتحال بھی بدترین رہی۔ لوگوں نے سماجی دوری کو نظرانداز کردیا اور دل کھول کر شاپنگ کی۔
حکومت کی جانب سے دی گئ ہدایات پر بالکل عمل نہ کیا گیا اور جی کھول کر خلاف ورزی کی گئی۔ شہر کے اکثر مقامات اور بڑی بڑی دکانوں پر خریداری کے لیے عوام کی قطاریں نظر آئیں اور اس موقع پر احتیاطی تدابیر پر عملدرآمد یقینی بنانے کے لیے قانون نافذ کرنے والے ادارے بھی موقع پر موجود نہ تھے۔
آئیے ملاحظہ کرتے ہیں کچھ مناظر۔
شہر کی متعدد سڑکوں پر شدید ٹریفک جام ہے۔
لوگ بازاروں میں بنا کسی ڈر خوف کے گھوم رہے ہیں۔
شاپنگ کرنے والوں کی بڑی تعداد بازاروں میں نظر آئی۔
والدین بچوں کو لے کر شاپنگ کے لیے نکلے۔