لاک ڈاؤن میں نرمی کے بعد سے ہی بازاروں میں عید کی خریداری کرنے والوں کا رش لگ گیا۔ لوگوں نے احتیاطی تدابیر کو بھلا کر بڑی تعداد میں بازاروں کا رخ کرلیا۔
تاہم کچھ افراد آن لائن شاپنگ بھی کر رہے ہیں۔ اگر آپ کو کچھ خریدنا ہی ہے تو بازار جانے کے بجائے آن لائن خریدیں تاکہ کورونا کے خطرے سے بھی محفوظ رہیں۔
لیکن اب سوال یہ پیدا ہوتا ہے کہ آن لائن شاپنگ میں ہونے والے فراڈ سے کیسے بچا جائے؟ اور معیاری شاپنگ کیسے کی جائے؟
آن لائن شاپنگ کرنے کے کچھ اصول
٭سب سے پہلے اچھی طرح مذکورہ ویب سائٹ کی تصدیق کرلیں کہ کہیں وہ جعلی تو نہیں؟
٭ویب سائٹ کے سوشل میڈیا اکاؤنٹس کا اچھی طرح جائزہ لیں
٭لوگوں کے تبصرے لازمی پڑھیں
٭آن لائن پیسے ادا کرنے کے بجائے پیسے ڈیلیوری موصول ہونے پر دیں تاکہ دھوکہ دہی سے بچ سکیں
٭ان پیجز سے رابطہ بالکل نہ کریں جن کے فالوورز کی تعداد کم ہو