کیا بچوں کو لگائی جانے والی یہ عام ویکسین کورونا وائرس سے ہونے والی اموات کو کم کر رہی ہے؟

امریکی سائنسی جریدے پروسیڈنگز آف نیشنل اکیڈمی آف سائنسز میں جمعرات کو ایک تحقیق شائع ہوئی جس میں محققین نے لکھا ہے کہ ٹی بی (Tuberculosis) کی ویکسین کووِڈ 19 سے ہونے والی اموات میں کمی لا سکتی ہے۔

محققین کے مطابق جن ممالک میں ٹی بی کی بیکٹیریل بیماری کی شرح بہت زیادہ ہے، ان ممالک میں بچوں کو معمول کے مطابق دی جانے والی ٹی بی ویکسین سے کورونا وائرس سے ہونے والی اموات میں کمی کے سلسلے میں مدد فراہم کرسکتی ہے۔

تحقیق کے دوران ماہرین نے دریافت کیا کہ جن ممالک میں تپ دق (ٹی بی) کے لیے بی سی جی (Bacille Calmette-Guérin) ویکسین کے استعمال کی شرح زیادہ ہے ان ممالک میں کورونا وائرس سے اموات کی شرح بھی کم ہے۔

ماہرین کا کہنا ہے کہ اس کی ایک اچھی مثال جرمنی تھی، مشرقی اور مغربی جرمنی جب 1990 میں ویکسینز کے مختلف منصوبے ترتیب دیے گئے تھے۔ ماہرین نے دیکھا کہ مغربی جرمنی میں زیادہ عمر کے افراد میں کورونا سے شرح اموات مشرقی جرمنی سے 3 گنا زیادہ تھی۔

تاہم اس سے یہ پتہ چلا کہ مشرقی جرمنی میں زیادہ تعداد میں بڑی عمر کے افراد کو ان کے بچپن میں ٹی بی کی ویکسین دی گئی تھی۔