امریکی صدر ڈونلڈ ٹرمپ نے کہا ہے کہ ایران کے معاملے پر جلد فیصلہ کیا جائے گا، مسئلہ آسانی سے حل ہو یا مشکل طریقے سے، اسے حل کرنا ہوگا۔
ٹرمپ کے مطابق ایران جوہری ہتھیار حاصل کرنے کے منصوبے سے تقریباً دستبردار ہوچکا ہے، جبکہ عالمی منڈی میں تیل کی قیمتیں بھی کم ہو رہی ہیں۔
دوسری جانب رائٹرز کے مطابق ایران نے خبردار کیا ہے کہ امریکی حملے دوبارہ شروع ہوئے تو اس کا ردعمل پہلے سے زیادہ شدید ہوگا اور امریکی کارروائیوں کی حمایت کرنے والے ممالک بھی ممکنہ اہداف ہوسکتے ہیں۔
امریکی وزیر دفاع پیٹ ہیگستھ نے کہا کہ ایران کے پاس جوہری پروگرام ترک کرنے کا موقع موجود ہے، بصورت دیگر اسے ایسا کرنے پر مجبور کیا جاسکتا ہے۔