ایرانی پاسداران انقلاب کے نائب کمانڈر میجر جنرل مصطفیٰ ایزدی نے دعویٰ کیا ہے کہ امریکی افواج ایرانی بیلسٹک میزائلوں کے خوف کے باعث خلیج فارس اور بحیرہ عمان میں ایرانی پانیوں سے 500 کلومیٹر سے زیادہ دور چلی گئی ہیں۔
ایرانی میڈیا کے مطابق میجر جنرل مصطفیٰ ایزدی نے کہا کہ امریکی فوج نے خطے میں اپنی پوزیشنیں مزید پیچھے منتقل کرلی ہیں اور موجودہ صورتحال کے پیش نظر واشنگٹن کی افواج مزید پسپائی اختیار کرسکتی ہیں۔
ایرانی کمانڈر نے دعویٰ کیا کہ خطے کے بعض ممالک اس نتیجے پر پہنچ رہے ہیں کہ امریکی فوجی موجودگی سکیورٹی کے بجائے عدم تحفظ کا باعث بنتی ہے۔
ان کا کہنا تھا کہ حالیہ تنازعات کے دوران ایرانی مسلح افواج نے اپنی دفاعی تیاری اور جنگی صلاحیتوں میں مزید اضافہ کیا ہے۔