کورونا وائرس کا جب سے آغاز ہوا ہے تب سے ہی اس حوالے سے متعدد افواہیں گردش کر رہی ہیں، مختلف مفروضوں کی بنیاد پر جس کا جو دل کر رہا ہے وہ بات کر رہا ہے، تاہم اب سائنسدانوں نے ایک ایسی تحقیق کر ڈالی ہے جس کے بعد ہر کوئی حیرانی کا شکار ہے۔
تفصیلات کے مطابق ٹوکیو جاپان میں ہونے والی ایک تازہ ترین تحقیق میں یہ انکشاف ہوا ہے کہ کورونا وائرس کے متعلق افواہوں اور سازشی نظریات سے دنیا بھر میں ہزاروں لوگوں کو پریشانیوں میں مبتلا ہونا پڑا، جس کے نتیجے میں کم از کم 700 اور ممکنہ طور پر اس سے کہیں زیادہ ہلاکتیں ہوچکی ہیں۔
کورونا وائرس کے حوالے سے گردش کرتی افواہوں نے سیدھا لوگوں کے ذہنی سکون پر اثر کیا، بہت سے لوگ ڈپریشن سے بھی گزرے جبکہ کچھ کو سنگین نوعیت کے انزائٹی اٹیکس کا بھی سامنا کرنا پرا۔
میڈیا رپورٹس کے مطابق افواہوں اور سازشی نظریات کے ذریعہ کووڈ 19 کے خطرات کو بڑھا چڑھا کر پیش کرنے کے حوالے سے مبینہ اطلاعاتی وبا (انفوڈیمک) پر تحقیق کے دوران ماہرین نے گائے کا گوبر کھانے اور بلیچ پینے سے اس وبا سے بچنے میں مدد کے متعلق جھوٹے دعووں سے ہونے والے نقصانا ت کا بھی جائزہ لیا ہے۔