پاکستانی شوبز انڈسٹری سے تعلق رکھنے والی کئی اداکارائیں اپنی زبردست ڈریسنگ کی وجہ سے کافی مشہور ہیں۔ ان اداکاراؤں کے جوڑے خوبصورت ہونے کے ساتھ ساتھ کافی مہنگے بھی ہوتے ہیں۔
آج ہم آپ کو ان اداکاراؤں کے بارے میں بتانے والے ہیں جو اکثر تہواروں پر مہنگے جوڑے زیب تن کرتی ہیں اور جو کافی دن تک موضوعِ بحث بھی بنے رہتے ہیں۔
1) عائزہ خان
کوئی بھی ایونٹ ہو عائزہ اسے بھرپور طریقے سے مناتی ہیں، عائزہ خان ویسے بھی اچھے کپڑے پہننے میں مشہور ہیں۔ ان کے کپروں کے ڈیزائنز مداح خوب کاپی کرتے ہیں۔ عائزہ نے اس سال عید پر ڈیزائنر جوڑا پہنا جس کی قیمت تقریباً 2 لاکھ روپے تھی۔
2) ثناء جاوید
ثناء جاوید پاکستان کی نامور اداکارہ ہیں۔ ان کا شمار بھی ان اسٹائلش اداکاراؤں میں ہوتا ہے جن کا فیشن سینس بہت اچھا ہے۔ ان کے کپڑے بھی کافی مہنگے ہوتے ہیں۔ انہوں نے عید کے تہوار پر جو جوڑا پہنا اس کی قیمت تقریباً 1 لاکھ روپے تھی۔
3) مایا علی
مایا علی بھی ایک اسٹائلش اداکارہ ہیں۔ یہ زیادہ تر اپنی ڈیزائنر دوست فائزہ سقلین کے کپڑے زیب تن کرتی ہیں جو ہمیشہ ہی مداحوں کی توجہ کا مرکز بنتے ہیں۔ اس سال انہوں نے عید پر شاندار جوڑا پہنا جس کی قیمت تقریباً 1 لاکھ 50 ہزار تھی۔
4) ایمن خان
ایمن خان اور ان کی بیٹی نے اس سال عید پر ایک جیسے کپڑے پہنے جنہیں فائزہ سقلین نے ڈیزائن کیا۔ ایمن خان کے اس جوڑے کی قیمت تقریباً 90 ہزار روپے تھی۔