پاکستان شوبز انڈسٹری کے معروف اداکار عمیر رانا نے اس بات کا دعویٰ کیا ہے کہ بھارتی اداکار عامر خان نے ان کے ہیئر سٹائل کی نقل کی ہے اور ان کو یہ اچھا بھی لگا ہے۔
عمیر رانا نے ویڈیو اینڈ فوٹو شئیرنگ ایپلیکیشن انسٹاگرام پر لایئو سیشن کے دوران بظاہر خوشی کا اظہار کرتے ہوئے کہا کہ میرے خیال میں عامر خان کو مجھے کال کرنی چاہیے کیونکہ اب تو انہوں نے میرا ہیئر اسٹائل بھی کاپی کر لیا ہے۔
انہوں نے کہا کہ ہیئر اسٹائل کی نقل پر میں ان کی تعریف کرتا ہوں اور میں انہیں ہمیشہ سے پسند کرتا آیا ہوں۔
اداکار کی جانب سے کئے گئے دعوے کے مطابق بالوں کے اسٹائل میں عمیر اور عامر خان کے بالوں کی سفید رنگت تو مشابہہ ہے تاہم اسٹائل تھوڑا مختلف ہی ہے۔
خیال رہے اداکار عمیر رانا نے ڈرامہ سیریل پیار کے صدقے میں سرور کا کردار ادا کیا تھا، اور مداحوں کی جانب سے ان کی اداکاری کو بہت پسند کیا گیا۔