کیا آپ جانتے ہیں کہ گاڑی میں ہلدی کے 3 چمچ ڈالنے سے کیا ہوتا ہے؟ آپ بھی یہ آزمائیں اور پھر کمال دیکھیں

گاڑی رکھنے والے افراد کے لئے سب سے بڑی مشکل اس وقت پیدا ہوتی ہے جب ان کی گاڑی میں کوئی مسئلہ ہو جاتا ہے اور اس کے باعث روزمرہ کے کاموں میں مشکلات پیش آتی ہیں۔ اگر گاڑی کے ریڈی ایٹر میں لیکج ہو جائے تو اس کی وجہ سے بہت سی مشکلات کا سامنا کرنا پڑتا ہے جس میں سب سے بڑا مسئلہ اس وقت پیش آتا ہے جب گاڑی ہیٹ اپ ہوجاتی ہے۔

آج ہم آپ کو گاڑی کے ریڈی ایٹر میں معمولی لیکج روکنے کیلئے انتہائی آزمودہ ٹوٹکہ بتانے والے ہیں جس کے باعث آپ بڑے خرچے سے بچ سکتے ہیں ۔ گاڑی کے ریڈی ایٹر میں معمولی لیکج ہونے کی وجہ سے ریڈی ایٹر میں پانی ٹھہرتا نہیں ہے جو کہ گاڑی کو ہیٹ اپ کرنے کا باعث بن جاتا ہے۔ ایسے میں مکینک انتہائی آسان حل بتاتے ہیں کہ گاڑی کے ریڈی ایٹر میں ہلدی کے تین چھوٹے چمچ ڈالیں جس کے نتیجے میں ریڈی ایٹر کی لیکج مکمل طور پر رک جائے گی اور پانی بھی ٹھہر جائے گا۔ آپ کی گاڑی کے ریڈی ایٹر میں اگر لیکج کا مسئلہ ہو تو اس میں پانی ڈالیں اور جب ریڈی ایٹر میں تھوڑے سے پانی کی گنجائش ہو، تب تین چھوٹے چمچ ہلدی کے ڈالنے کے بعد 2 سے 3 منٹ انتظار کریں اور پھر پانی ڈال کر ریڈی ایٹر کو مکمل بھر کر ڈھکن لگادیں۔ ریڈی ایٹر کافی عرصے تک لیک نہیں کرے گا۔