ریاض: سعودی حکومت نے تمام ایئرلائنز کو عمرہ زائرین اور وزٹ ویزا کے مسافروں کو مملکت لانے کی اِجازت دے دی۔
میڈیا رپورٹس کے مطابق سعودی حکومت کی جانب سے تمام ایئرلائنز کو عمرہ زائرین اور وزٹ ویزا کے حامل مسافروں کو لانے کی اجازت دے دی گئی ہے جس کی تصدیق سول ایوی ایشن کی جنرل اتھارٹی نے بھی کردی۔
جنرل اتھارٹی برائے سول ایوی ایشن گاکا نے اجازت کے حوالے سے تمام ایئرلائنز کے لیے باقاعدہ احکامات جاری کیے۔
جنرل اتھارٹی کی جانب سے جاری ہونے والے اعلامیے میں تمام ایئرلائنز حکام، وزٹ ویزا سمیت عمرہ زائرین کو ہدایت جاری کی گئی کہ وہ کورونا وائرس کے حوالے سے نافذ ہونے والے قواعد و ضوابط (ایس او پیز) پر لازمی عمل پیرا ہوں۔