پاک سر زمین پارٹی کے چیئرمین مصطفیٰ کمال آج پریس کانفرنس میں اہم انکشافات کریں گے ، مصطفی کمال کا کارکنان سے خطاب
تفصیلات کے مطابق گزشتہ روزپارٹی کارکنان سے سماجی رابطے کی ویب سائٹ پرخطاب میں مصطفیٰ کمال کا کہنا تھا کہ موجودہ حکومت سے پہلے خراب ہی سہی مگر لوکل گورنمنٹ کا نظام موجود تھا ، انہوں نے کہا کہ جمہوری حکومت کی جانب سے بلدیاتی حکومت کو ختم کرنا اور انتخابات نہ کروانا جمہوریت کا قتل ہے ، اس سے یہ
ثابت ہوتا ہے کہ موجودہ جمہوری دور میں جمہوریت پر شب خون مارا جارہا ہے۔ مصطفیٰ کمال نے بتایا کہ آج وہ ایک پریس کانفرنس کریں گے جس میں ان کی جانب سے اہم انکشافات متوقع ہیں۔
مصطفیٰ کمال کا مزید کہنا تھا کہ جب کوئی آمر اسمبلی قوانین توڑ کر انتخا بات نہیں کرواتا تو ریاست اور جمہوریت دونوں خطرے میں پڑ جاتی ہیں ،انہوں نے واضح کیا کہ بلدیاتی نظام کو سیاسی مفادات کی نظر نہیں کیا جا سکتا۔