نومبر کا وسط ہے اور کراچی میں گزشتہ روز سے ٹھنڈی یخ ہوائیں چل رہی ہیں جس سے شہریوں کو یہ اندازہ ہو چکا ہے کہ اب سردی آگئی ہے۔
ڈائریکٹر محکمہ موسمیات سردار سرفراز کا کہنا ہے کہ ''سائبیرین ہواؤں نے شہرِ قائد کا رخ کرلیا ہے۔ شمالی علاقوں میں بھی سرد ہواؤں کا راج ہے''۔
تاہم محکمہ موسمیات کے مطابق آئندہ ہفتے تک رات میں سردی کی جزوی لہر رہے گی۔
ڈائریکٹر نے اس حوالے سے مزید کہا کہ ''سائبیرین ہواؤں کی آمد کے باعث رات کا درجہ حرارت 2 تا 3 ڈگری سینٹی گریڈ تک گر سکتا ہے''۔
اس سال شہرَ قائد میں ریکارڈ سردی ہونے کا امکان ہے جبکہ ملک کے دیگر صوبوں میں سردی آچکی ہے۔