پاکستان کے وزیراعظم عمران خان کی ہدایت پر مشہور ترک سیریز ''ارطغرل غازی'' کے بعد ایک اور ڈرامہ ''یونس ایمرے'' کو اردو میں ڈب اور نام تبدیل کر کے نشر کیا جائے گا۔
ڈرامہ کا پاکستانی نام ''راہِ عشق'' ہوگا۔ سرکاری ٹیلی ویژن پی ٹی وی کے ٹوئٹر اکاؤنٹ سے حال ہی میں ایک پیغام جاری ہوا جس میں بتایا گیا کہ راہ عشق جلد نشر کیا جائے گا۔
یونس ایمرے ترکی کے ایک صوفی شاعر اور درویش کی زندگی پر مبنی کہانی ہے جس نے اپنی زندگی تلاش حق کے لیے وقف کردی تھی۔ تاہم دیریلش ارطغرل تحریر کرنے والے ''مہمت بزداغ'' نے ہی معروف سیریز یونس ایمرے کو بھی تخلیق کیا ہے۔
اناطولیہ کے اِس درویش، صوفی بزرگ اور خداداد صلاحیتوں کے مالک شاعر مولانا ''جلال الدین رومی'' کے ہم عصروں میں شامل تھے اسی لئے انہیں ''رومی ثانی'' کہا جاتا ہے۔
ترکی کے سرکاری چینل پر نشر کی جانے والی مقبول سیریز یونس ایمرے 2015 میں نشر ہونا شروع ہوئی جو دو سیزن پر مشتمل ہے، دونوں سیزن کی مجموعی اقساط کی تعداد 44 ہے۔