شوبز انڈسٹری میں اپنی گلوکاری اور اداکاری سے نام بنانے والے فرحان سعید اور ماڈل عروہ حسین کے درمیان علیحدگی کی خبروں کے چرچے سوشل میڈیا پر عام ہوگئی ہیں۔ جس کے بعد مداحوں میں تشویش کی لہر دوڑ گئی ہے۔
اس خبر کے سامنے آتے ہی پاکستان کے ٹوئٹر ٹرینڈ پینل پر ہیش ٹیگ ’عروہ حسین‘ ٹاپ ٹرینڈ میں شامل ہوگیا ہے۔
صارفین نے ان کی علیحدگی کی خبر کو سال 2020 کی بد ترین خبر قرار دیا ہے۔
عروہ اور فرحان کی جانب سے ان خبروں کے حوالے سے تاہم نہ تو کوئی تردید کی گئی ہے اور نہ ہی کوئی تصدیق۔
کچھ عرصہ قبل عروہ نے ایک نجی ٹی وی شو کے دوران ایک سوال کا جواب دیتے ہوئے کہا تھا کہ اگر انہیں پتہ چلے کہ فرحان دوسری شادی کر رہے ہیں تو وہ شادی کے لئے منع نہیں کریں گی بلکہ علیحدگی اختیار کرلیں گی۔
واضح رہے کہ دونوں نے 2016 میں دھوم دھام سے شادی کی تھی۔