بھارت کے معروف اداکار و ہدایتکار سنی دیول بھی عالمی وبا سے بچ نہ سکے، کووِڈ ٹیسٹ مثبت آگیا۔
تفصیلات کے مطابق سنی دیول نے سماجی رابطے کی ویب سائٹ ٹوئٹر پر ٹوئٹ کر کے اپنے مداحوں اور دوستوں کو اس بات سے آگاہ کیا کہ انکا کورونا ٹیسٹ مثبت آیا ہے جس کے بعد انہوں نے خود کو قرنطینہ کر لیا ہے البتہ اُن کی طبعیت ٹھیک ہے۔
سنی دیول نے اپنے پیغام میں گزارش کی کہ گزشتہ دنوں ان سے ملنے والے یا ساتھ کام کرنے والے لوگ خود کو قرنطینہ کر لیں یا پھر کورونا ٹیسٹ کروا لیں۔
یاد رہے کہ اس سے قبل سلمان خان سمیت کئی بھارتی اداکار بھی عالمی وبا کا شکار ہو چکے ہیں۔