شہرِ قائد سمیت سندھ بھر کے سی این جی اسٹیشنز 24 گھنٹوں کے لئے بند کر دیئے گئے ہیں۔
تفصیلات کے مطابق سوئی گیس حکام کا کہنا ہے کہ کراچی سمیت سندھ بھر کے سی این جی اسٹیشنز آج صبح آٹھ بجے سے ہفتے کی صبح آٹھ بجے تک کے لئے بند کئے گئے ہیں، تاہم آر ایل این جی پر چلنے والے اسٹیشنز کھلے رہیں گے۔
دوسری جانب گیس پریشر میں کمی کی وجہ سے سائٹ ایریا، نارتھ کراچی، کورنگی اور سپر ہائے وے کے رہاشی پریشان ہیں اور ان کی جانب سے مسلسل گیس کی بندش کی شکایات کی جارہی ہیں۔ نیو کراچی، دعا چوک، لئیق آباد، اردو بازار اور دیگر رہاشی علاقوں میں بھی شہریوں کو گیس کی بندش کا سامنا ہے۔
واضح رہے کہ گیس لوڈ مینجمنٹ پلان پر عمل درآمد کرتے ہوئے رواں ہفتے میں تیسری بار سی این جی اسٹیشنز کو گیس کی ترسیل بند کی گئی ہے۔