پاکستانی شوبز انڈسٹری کی معروف اداکارہ سارہ خان کے والد انتقال کر گٸے۔
گزشتہ روز سارہ خان کی شادی کی فوٹو گرافی کرنے والے آفیشل فوٹو گرافر عبد الصمد ضیا نے اپنے انسٹاگرام اکاؤنٹ پر سارہ خان کے والد کے انتقال کی خبر دی تھی اور سارہ خان کے اہل خانہ کے لیے صبر اور ان کے والد کی مغفرت کی دعا بھی کی تھی۔
تاہم آج سارہ خان نے خبر کی تصدیق کرتے ہوئے اپنی انسٹاگرام اسٹوری پر اپنے والد کے انتقال کی خبر دی اور اپنے والد کی تدفین سے متعلق معلومات شئیر کیں، انہوں نے اپنی انسٹا گرام اسٹوری پر لکھا کہ 'جنازہ ظہر میں اٹھایا جائے گا اور انہیں سخی حسن قبرستان میں سپردِ خاک کیا جائے گا۔
یاد رہے کہ سارہ خان رواں سال جولائی میں گلو کار فلک شبیر کے ساتھ رشتہ ازدواجی میں منسلک ہوئی تھیں۔