اسلام کی خاطر شوبز کی دنیا سے کنارہ کشی اختیار کرنے والی خوبرو اداکاہ ثناء خان کے شوہر مفتی انس کہتے ہیں کہ خوبصورت بیوی وہ ہے جو آپ کو جنت کے قریب لائے۔
سابقہ بالی ووڈ اداکارہ ثناء خان کے شوہر مفتی انس نے سوشل میدیا فوٹو اینڈ ویڈیو شیئرنگ ایپ انسٹا گرام پر اپنی اہلیہ کے ہمراہ اپنی شادی کے دن کی ایک یادگار اور دلکش تصویر شیئر کر دی۔
شئیر کردہ تصویر میں ثناء خان سُرخ رنگ کے عروسی لباس میں ملبوس ہیں جبکہ اُن کے شوہر مفتی انس نے سفید لباس زیب تن کیا ہوا ہے۔
اپنے اس پوسٹ کے پر تصویر کے کیپشن میں مفتی انس نے ایک اچھی بیوی کی تعریف بیان کرتے ہوئے لکھا کہ ''سب سے خوبصورت بیوی وہ نہیں جو آپ کے مطابق ہو بلکہ خوبصورت بیوی تو وہ ہے جو آپ کو جنت کے قریب لائے''۔
اُنہوں نے کہا کہ 'ثناء خان جیسی بیوی عطا کرکے اللّہ تعالیٰ نے میرے لیے بڑے ہی کرم کا فیصلہ کیا ہے'۔
خیال رہے کہ ثناء خان نے شوبر چھوڑنے کے بعد گزشتہ سال بھارتی ریاست گجرات سے تعلق رکھنے والے مفتی انس سے شادی کی تھی۔