پاکستانی شوبز کی معروف اداکارہ اور ہوسٹ نادیہ خان کی گزشتہ سال 11 دسمبر کو منگنی طے پائی تھی اور اب نادیہ خان نے اپنے انسٹاگرام اکائونٹ پر شادی کی تصدیق کر دی۔
تفصیلات کے مطابق: '' نادیہ خان کی شادی گزشتہ روز اسلام آباد میں ایک نجی ہوٹل میں ہوئی۔ نادیہ نے اپنے انسٹاگرام پر ایک پوسٹ شیئر کی جس میں انہوں نے ایک ہرے رنگ کا لباس زیب تن کیا ہوا ہے اور ہاتھوں میں مہندی لگی ہوئی ہے، ساتھ ہی کیپشن میں لکھا ہے کہ : '' میں اپنے مداحوں اور فالو کرنے والے کے لئے اپنی شادی کی تصاویر کچھ گھنٹوں بعد شیئر کروں گی۔''
اداکارہ نے مذکورہ پوسٹ 2 گھنٹے قبل شیئر کی تھی جس کو اب تک 8 ہزار سے زائد لوگ لائک کرچکے ہیں۔ ان کے مداح کمنٹس میں شادی کی مبارک باد بھی دے رہے ہیں اور نیک تمنائوں کا اظہار بھی کر رہے ہیں۔
واضح رہے کہ 41 سالہ نادیہ خان کی یہ تیسری شادی ہے اور انکے شوہر ایئرفورس پائلٹ ہیں۔ نادیہ منگنی کے فوراً بعد ہی شادی کی تیاریوں میں مصروف ہو گئی تھیں اور ڈیزائنر دوستوں سے بھی خوب رابطے میں تھیں۔
تصاویریں آپ بھی ملاحظہ کریں: