شہر قائد میں گزشتہ چند روز سے سردی کی شدت میں اضافہ ہوگیا ہے اور شہری کانپنے پر مجبور ہو چکے ہیں۔
لیکن سوال یہ پیدا ہوتا ہے کہ کراچی میں سردی کیوں ہو رہی ہے؟
اس حوالے سے ڈائریکٹر محکمہ موسمیات سردار سرفراز کا کہنا ہے کہ کراچی میں سائبیرین ہواؤں کے باعث سردی کی شدت زیادہ محسوس کی جا رہی ہے۔
انہوں نے بتایا کہ سردی کی موجودہ لہر مزید 5 سے 6 دن برقرار رہ سکتی ہے۔
انہوں نے مزید بتایا کہ سردی میں کمی اور درجہ حرارت میں اضافہ 17 جنوری سے شروع ہونے کا امکان ہے۔