سیاست کی گرما گرمی تو چلتی رہتی ہے، کوئی بھی تقریب کیوں نا ہو مرد حضرات اپنا ایک کونا پکڑ لیتے ہیں اور سیاست کی باتیں شروع ہو جاتی ہیں۔ اس معاملے میں کچھ مرد کافی جذباتی ہوتے ہیں لیکن اس حد تک جذباتی کہ ذرا سی بحث پر بیٹی کے سسرالیوں سے رشتہ ہی ختم کر دیا جائے۔

جی ہاں ایسا ہی ایک واقعہ فیصل آباد کی تحصیل تانڈلیانوالہ کے علاقے ماموں کانجن میں اس وقت پیش آیا جب کمالیہ کے رمضان اور اس کی اہلیہ بیٹے کی منگنی کے لیے حمیدآباد کے رہائشی سہیل کے گھر آئے۔

لڑکے کے ماں باپ نے بات چیت کے دوران عمران خان کی تعریف کی تو میزبان سہیل آگ بگولہ ہو گیا اور بیٹی کے رشتہ سے انکار کر کے رمضان اور اس کی اہلیہ کو گھر سے بھگا دیا۔

یہ خبر سوشل میڈیا پر آتے ہی وائرل ہو گئی جبکہ صارفین نے اس پر اپنے دلچسپ تبصرے بھی پیش کیے۔

٭ ہمیں اپنی رائے سے آگاہ کریں، ہماری ویب کے فیسبک پیج پر کمنٹ کر کے بتائیں۔