وزیراعظم عمران خان یوں تو بہت فٹ اور صحت مند نظر آتے ہیں مگر جب بات وزن کی ہو تو ہر کوئی محتاط رہتا ہے کہ وزن نہ بڑھے۔ لیکن کیا یہ ممکن ہے وہ شخص جو دن رات کام کرے وہ اپنے وزن کا خیال بھی رکھ سکے؟

کچھ ایسا ہی حال ہمارے وزیر اعظم کا بھی ہے۔ کل چونکہ وزیراعظم نے عوام سے ٹیلیفونک رابطہ کیا تھا تو لوگوں نے بڑے دلچسپ سوالات کیئے، ایک شخص نے سوال پوچھ لیا کہ تندرستی کا راز بتائیں کہ آپ اتنا فٹ کیسے رہتے ہیں؟

عمران خان کا جواب:

اس سوال کے جواب میں وزیراعظم نے مسکرا کر کہا کہ: '' وزیراعظم بننے کے بعد تو میرا خوب وزن بڑھ گیا ہے، جبکہ پہلے میرا وزن نہیں بڑھتا تھا، اب مجھے نہیں لگتا کہ صحت مند ہوں۔

بشری بی بی کچھ دن پہلے وزن کرنے والی مشین لے آئی تھیں جس پر وزن کیا تو دیکھ کر مجھے بھی حیرانی ہوئی کہ میرا وزن اتنا بڑھ گیا ہے۔ کیونکہ ماضی میں میرا وزن کبھی ایک سو اسی یا پھر ایک سو پچاسی پاؤنڈ سے زیادہ نہیں بڑھا لیکن اب میرا وزن 200 پاؤنڈ (تقریباً 90) سے بڑھ چکا ہے۔''

انکا مزید کہنا تھا کہ: '' وزارتِ عُظمیٰ سنبھالنے کے بعد روزانہ 8 سے دس گھنٹے بیٹھ کر کام کرنا پڑتا ہے اور زیادہ بیٹھ کر کام کرنے کی وجہ سے میرا وزن بڑھ رہا ہے۔''