بختاور بھٹو کی شادی میں صرف بختاور نے ہی نہیں شرکت کرنے والی خواتین نے بھی اتنے حسین جوڑے پہنے کے دیکھنے والے داد دیئے بغیر نہ رہ سکے۔ آپ بھی دیکھیں کہ ان خواتین نے بختاور کی شادی میں کیسے کپڑے پہنے اور کون سا فیشن اپنایا۔

شرمیلا فاروقی:

شرمیلا فاروقی نے بختاور کی شادی پر ہلکے گرین رنگ کا انتخاب کیا جس میں لال اور گولڈن رنگ سے کڑھائی ہوئی ہے، اس کے ساتھ ہی انہوں نے میچنگ کا ماسک اور کانوں میں لمبے بندے بھی پہنے ہیں۔ ان کا انداز ہر کسی کو بہت پسند آیا۔

شیری رحمٰن:

سینیٹر شیری رحمٰن نے کالے رنگ کا جوڑا پہنا جس پر تلے کی کڑھائی کا کام ہوا ہے جوکہ گولڈن رنگ سے کیا گیا ہے اور دکھنے میں بہت حسین لگ رہا ہے۔ یہ فیشن میں آج کل اِن بھی ہے۔

مریم نواز:

مریم نواز نے شادی میں پیلے رنگ کا جوڑا پہنا ہوا ہے اور اس کے ساتھ مخمل کی کالے رنگ کی شال اوڑھی ہے۔ ان کے گلے میں کالے رنگ کا ہار بھی ہے جو خوب جچ رہا ہے۔

آصفہ بھٹو:

آصفہ نے بختاور کی شادی پر گولڈن رنگ کا لباس پہنا جس پر ہلکے گلابی رنگ سے کڑھائی ہوئی ہے اور اتنا نفیس کام ہے کہ جس نے بھی ان کو دیکھا دیکھتا ہی رہ گیا۔ انہوں نے گلے میں باریک سا ہار بھی پہنا ہوا ہے جو کہ بہت عمدہ دکھائی دے رہا ہے۔

صنم بھٹو:

صنم بھٹو آصفہ اور بختارو کی خالہ ہیں اور آپ تصویر میں دیکھ سکتے ہیں کہ انہوں نے ہلکے نیلے رنگ کا لباس بختاور کے ولیمے میں پہنا ہوا ہے جس پر سفید رنگ سے کڑھائی کی گئی ہے اور کانوں میں سفید رنگ کے بندے بھی ہیں جو بہت حسین لگ رہے ہیں۔