چیئرمین پیپلز پارٹی بلاول بھٹو زرداری کی بہن بختاور بھٹو زرداری کی شادی کی مزید نئی اور خوبصورت تصاویر سامنے آئی ہیں۔
تفصیلات کے مطابق بختاور بھٹو کے شوہر محمود چوہدری نے انسٹاگرام پر ولیمے کی ایک تصویر شئیر کی ہے جس میں دنوں میاں بیوی نے گہرے سبز رنگ کے خوبصورت لباس زیت تن کیے ہوئے ہیں۔
تصویر کے کیپشن میں لکھا ہے کہ ریسیپشن 30-1-21، یعنی یہ ولیمے کی تقریب کی تصویر ہے جو کہ 30 جنوری 2021 کو ہوئی تھی۔
محمود چوہدری نے انسٹاگرام اسٹوری پر بختاور کی بھی ایک خوبصورت تصویر شئیر کی۔
اس کے علاوہ بختاور نے انسٹاگرام کی پوسٹ میں اپنی مہندی کی ایک تصویر لگائی ہے جس میں بلاول بھٹو اور دیگر افراد دوپٹے کے سائے میں انہیں لے کر آ رہے ہیں۔
تاہم گزشتہ روز آصفہ کی سالگرہ کے موقع پر تینوں بہن بھائی کی بارات کی ایک تصویر کافی وائرل ہوئی تھی۔