سعودی عرب: سی فرنٹ، مخصوص شرائط کے ساتھ کھول دیا گیا۔
سعودی میڈیا کے مطابق سعودی عرب میں سی فرنٹ (کورنیشن) کو مخصوص شرائط کے ساتھ کھول دیا گیا ہے رپورٹ میں بتایا گیا ہے کہ کمشنر جدہ نے کورنیشن کو 3 شرائط کے ساتھ کھولنے کی اجازت دے دی ہے، تاہم ساحل سمندر کو فی الحال جزوی طور پر بحال کیا گیا ہے۔
اس حوالے سے میڈیا کا کہنا ہے کہ عنقریب کورنیشن کو مکمل طور پر کھول دیا جائے گا۔
واضح رہے کہ کمشنر شہزادہ مشعل بن ماجد نے سی فرنٹ جزوی طور پر کھولنے کی منظوری دی ہے، البتہ ایس او پیز پر ہر صورت عمل کرنا ہوگا۔
خیال رہے کہ ساحل سمندر آنے والے صرف گاڑیوں سے گزر سکیں گے، انہیں اُترنے یا انتظار کرنے کی اجازت نہیں ہوگی، جبکہ ساحل پر چہل قدمی اور سائیکلنگ سے متعلق کوئی پابندی نہیں ہے۔
جدہ میونسپلٹی کا کہنا ہے کہ احتیاطی تدابیر کی خلاف ورزی کرنے والوں کے خلاف سخت ایکشن لیا جائے گا۔
v