وزیراعظم عمران خان نے سوشل میڈیا پر شیئر کی گئی ماضی کی نایاب تصویر میں موجود چھوٹی بچی کے بارے میں اہم انکشاف کر دیا۔
سوشل میڈیا پر زیادہ متحرک رہنے والے وزیراعظم عمران خان نے اپنے تصدیق شدہ انسٹاگرام اکاؤنٹ پر سال 1994ء کی ایک نایاب تصویر شیئر کی ہے۔
وزیر اعظم عمران خان اپنے سوشل میڈیا اکاؤنٹس پر اکثر اپنی پرانی یادگار تصاویر مداحوں کے ساتھ شئیر کرتے رہتے ہیں۔
مذکورہ تصویر میں عمران خان کے ہمراہ کچھ چھوٹے بچوں کو بھی دیکھا جاسکتا ہے جن میں سے ایک بچی نے نیلی فراک زیب تن کی ہوئی ہے۔
عمران خان نے تصویر شیئر کرتے ہوئے اپنے چاہنے والوں کو بتایا کہ یہ تصویر 26 سال قبل یعنی سال 1994ء میں لی گئی تھی۔
وزیراعظم نے کہا کہ اس تصویر میں جس بچی نے نیلی فراک زیب تن کی ہوئی ہے، وہ اس وقت امریکا میں پیڈیاٹرک آنکولوجسٹ کی اپنی ٹریننگ مکمل کر رہی ہے۔
عمران خان نے کہا کہ ٹریننگ مکمل ہونے کے بعد یہ رواں سال اگست میں شوکت خانم میموریل اسپتال لاہور میں بطورِ کنسلٹنٹ اپنے فرائض
سر انجام دیں گی۔