مسلم لیگ ن کی نائب صدر مریم نواز بھی گزشتہ چند دنوں سے وائرل ہونے والی ویڈیو پارٹی ہورہی ہے کا حصہ بن گئیں۔
سوشل میڈیا اسٹار دنانیر کی وائرل ہونے والی ویڈیو ’ پاوری ہو رہی ہے ‘ کا جنون ہر شخص کے پر چڑھا ہوا ہے۔ چاہے وہ شوبز کی شخصیات ہوں یا
پھرکرکٹر ہر کوئی دنانیر کے اندازسے اپنی ویڈیو بنا کر سوشل میڈیا پر شئیر کررہا ہے۔ وائرل ہونے والی ویڈیو کے اثرات سیاست میں بھی ہونے لگے ہیں۔
حال ہی میں مریم نواز نے ڈسکہ میں کارکنان سے خطاب کرتے ہوئے مریم نواز نے وزیر اعظم عمران خان پر تنقید کرتے ہوئے کہا کہ پورے پاکستان میں ایک ہی بیانیہ گونج رہا ہے کہ ووٹ کو عزت دو۔
انہوں نے دنانیر کا انداز اپناتے ہوئے کہا کہ یہ دھند ہے، یہ عوام ہے اور یہاں عمران خان کی چوری پکڑی گئی ہے۔ جب کہ یہ نواز شریف ہے، یہ عوام کی طاقت ہے اور یہ اس کا بیانیہ ووٹ کو عزت دو جو سر چڑھ کر بول رہا ہے۔