سر میں درد ہونا ایک عام بات ہےلیکن کچھ لوگ ایسے بھی ایسے ہوتے ہیں جنہیں سر کے آدھے حصے میں درد رہتا ہے،لیکن اس بیماری کی کیا وجہ ہوسکتی ہے؟
آدھے سر کے درد کو شقیقہ بھی کہا جاتا ہے، اس بیماری کے باعث معمولاتِ زندگی کے کاموں میں دیری اور اکتاہٹ محسوس ہوتی ہے، یہ درد عام طور پر کسی ٹینشن کے نتیجے میں نمودار ہوتا ہے۔ تاہم دماغی مرض اور اعصابی نظام کی بیماریوں کی ماہر ڈاکٹر کیلن جادم نے اس کا طریقہ علاج ڈھونڈ نکالا ہے۔
ڈاکٹر کیلن جادم کے مطابق یہ درد دماغ کے دائیں، بائیں طرف یا پھر آنکھوں کے گرد ہوتا ہے، ایسی صورت میں سر بھاری لگنے لگتا ہے، اس کی بنیادی علامت میں متلی آنا شامل ہے۔
آدھے سر درد کی
وجوہات
ڈاکٹر کیلن جادم کا ماننا ہے کہ کسی بھی وقت کا کھانا ترک کرنے سے اس درد کی بیماری ہوتی ہے، اس کے علاوہ تیز روشنی، بلند آوازیں یا پھر ٹیرامائن والی غذا بھی اس مرض کی وجہ بنتی ہیں۔
ڈاکٹر نے تجویز پیش کرتے ہوئے کہا ہے کہ تیل والی اشیاء سے بھی لوگوں کو پرہیز کرنا چاہیے۔
آدھے سر درد کا علاج کیا ہے؟
دماغی امراض و اعصابی نظام کی بیماریوں کی ماہر ڈاکر کا کہنا ہے کہ درد شقیقہ( آدھے سر کا درد) کے علاج کیلئے کئی ترکیبیں ہیں، لیکن سب سے پہلے ہمیں اس بیماری کی وجوہات کا پتا لگانا ہوگا۔
مثال کے طور پر اگر کسی کو خاص کھانا کھانے سے درد ہوتاہے تو اسے چاہیے کہ فوراً اس غذا کو ترک کردے، جبکہ مخصوص اوقات میں کھانے کی ترتیب سے اس بیماری سے چھٹکارا مل سکتا ہے، اس کے علاوہ اس سے بچاؤ کے لیے درد کو تیز کرنے والی بدبو سے بچنے کی کوشش کریں۔