وفاقی وزیر برائے تعلیم شفقت محمود نے سلیکٹد اضلاع میں تمام تر تعلیمی ادارے بند کرنے کا اعلان کیا ہے۔
تفصیلات کے مطابق شفقت محمود نے این سی او سی کے اجلاس کے بعد پریس کانفرنس کی جس میں انہوں نے بتایا کہ پنجاب سمیت وفاقی دارالحکومت اسلام آباد کے تعلیمی ادارے 11 اپریل تک بند رہیں گے۔
این سی او سی کے اجلاس میں فیصلہ کیا گیا ہے کہ جن شہروں میں تعلیمی اداروں کو کورونا کے پیش نظر بند کیا گیا تھا وہ 11 اپریل تک بند رہیں گے ۔
شفقت محمود نے کہا کہ ان اضلاع میں اگر کسی ضلعے کا اضافہ کرنا ہے تو یہ صوبائی حکومت کی مرضی ہو گی۔
شفقت محمود کا کہنا تھا کہ این سی او سی کے اجلاس میں بورڈز کے امتحانات کے حوالے سے یہ فیصلہ کیا گیا ہے کہ نویں دسویں گیارہویں اور بارہویں جماعت کے امتحانات صوبائی حکومتوں اور بورڈز کے اعلان کردہ شیڈول کے مطابق ہوں گے۔
تاہم اجلاس میں چاروں صوبوں کے وزرائے تعلیم و صحت شریک ہیں، گلگت بلتستان، آزاد جموں کشمیر کے وزراء، اعلی حکام شریک ہوئے۔