یونیورسٹی سے نکالے جانے والے جوڑے کی ایک اور ویڈیو وائرل

لاہور یونیورسٹی کے طالبِ علم حدیقہ اور شہریار جن کو جامعہ میں سرِعام ایک دوسرے کو گلے لگانے اور شادی کے لئے پروپوز کرنے پر نکال دیا گیا تھا جس کے بعد یہ خبر آئی تھی کہ انہوں نے آپس میں شادی کرلی اور اب وہ ایک ساتھ رہتے ہیں، مگر ان کے سوشل میڈیا اکاؤنٹس پر اب تک ایسی کوئی اپ ڈیٹ موجود نہیں ہے، جبکہ ٹوئٹر اور ایک مقامی اخبار میں خبر بھی لگائی گئی تھی کہ ان دونوں نے شادی کرلی جس کے بعد جامعہ نے ان کو یونیورسٹی میں دوبارہ اپنی تعلیم جاری رکھنے کی اجازت دے دی۔

آج صبح شہریار اور حدیقہ کے سوشل میڈیا اکاؤنٹ پر ایک ویڈیو شیئر کی گئی ہے جس میں دونوں کے کپڑے تو وہی ہیں جیسے کہ انہوں نے اس دن پہنے تھے جب کہ حدیقہ نے سرِِعام شہریار سے محبت کا اظہار کیا تھا، بہرحال اس ویڈیو کے اب لوڈ ہوتے ہی لاکھوں کی تعداد میں لوگوں نے لائک کمنٹ اور شیئر کرنا شروع کردیا ہے، کتنے ہی لوگوں نے شہریار سے انسٹاگرام میں سوال کیا کہ کیا آپ نے شادی کرلی جس پر شہریار کی جانب سے اب تک خاموشی کا مظاہرہ کیا جا رہا ہے جبکہ حدیقہ کے ٹوئٹر اکاؤنٹ میں مُحسن مُتین نامی صارف نے ان کو شادی کی نیک تمناؤں کی دعائیں دی ہوئی ہیں۔

ان کی اس ویڈیو میں دیکھا جا سکتا ہے کہ حدیقہ اور شہریار لاہور یونیورسٹی میں ایک ساتھ کیک کاٹ رہے ہیں۔ جس میں حدیقہ ماسک پہنی ہوئی ہیں اور دونوں نے خوشی کا اظہار کیا ہے۔ ویڈیو کے کیپشن میں حدیقہ نے لکھا ہے کہ :

'' یونیورسٹی آف لاہور اب بنی یونیورسٹی آف لوو''۔ کمنٹس میں ان کے دوستوں کی جانب سے دونوں کو دعائیں اور جامعہ کی انتظامیہ کو بھی صحیح فیصلہ لینے پر سراہا ہے۔