پرندوں سے متعلق اکثر کئی دلچسپ اور معلوماتی خبریں سننے کو ملتی ہیں وہیں اِن جانداروں کے حوالے سے ایک اہم سوال سب کے ذہنوں میں گردش کرتا ہے کہ آخر پرندے سونے کے بعد درخت سے گرتے کیوں نہیں ہیں، کیا آپ نے کبھی اس بات کی وجہ جاننے کی کوشش کی ہے؟
اگر نہیں تو ہم آپ کو بتاتے ہیں۔
آپ نے کبھی نہ کبھی چھوٹے بچوں میں یہ مشاہدہ ضرور کیا ہوگا کہ وہ جب آپ کے ساتھ کہیں جاتے ہیں تو آپ کی انگلی کو مضبوطی سے پکڑ لیتے ہیں اور چھوڑتے نہیں ۔ یہ ایک reflex ہے یعنی پٹھے خود بخود اس طرح کھنچ جاتے ہیں کہ بچے کی گرفت انگلی پر مضبوط ہوتی ہے۔ اور انہوں نے پٹھوں کو ڈھیلا کرنا یا یعنی relax کرنا صحیح طریقے سے اس عمر میں نہیں سیکھا ہوتا، اس لیے انگلی نہیں چھوڑ سکتے۔
لیکن پرندوں میں اس سے ملتا جلتا reflex ساری عمر موجودرہتا ہے ۔ وہ جب درخت کی شاخ پر بیٹھتے ہیں تو ان کے پنجے کے پٹھے سخت ہو کر ان کی گرفت مضبوط کر دیتے ہیں ۔ اور سوتے ہوئے وہ ان پٹھوں کو ڈھیلا نہیں کرپاتے، اس لیے شاخ ان کے پنجوں کی گرفت میں رہتی ہے اور یہی وجہ ہے کہ وہ سونے کے بعد درخت سے کبھی نہیں گرتے۔