ایک سال پہلے موبائل جھیل میں ڈوب گیا تھا اور پھر۔۔جانیے یہ موبائل کیسے اور کس حال میں ملا؟

تائیوان میں گزشتہ56 سال کے دوران ہونے والی بدترین خشک سالی نے بڑی بڑی جھیلوں کو خشک کردیا اسی قحط نے ایک شخص کو خوشی کی نوید سنادی۔برطانوی نشریاتی ادارے بی بی سی کی رپورٹ کے مطابق تائیوان میں خشک سالی سے تمام مشہور جھیلیں خشک ہو چکی ہیں وہیں ایک خشک جھیل سے ایک شخص کو چند سال قبل کھویا ہوا موبائل فون مل گیا۔

چن نامی شہری کا کہنا ہے کہ ایک سال قبل پیڈل بورڈنگ کے دوران ان کا آئی فون جھیل میں گرگیا تھا لیکن گزشتہ ہفتے جھیل پر کام کرنے والے ایک ملازم کی جانب سے فون کرکے انہیں ان کا موبائل فون ملنے کی اطلاع دی گئی۔انہوں نے بتایا کہ میں یہ خبر سن کر بہت خوش ہوا، میرا موبائل فون بالکل ٹھیک حالت میں موجود ہے کیونکہ اس پر میں نے واٹر پروف کور چڑھایا ہوا تھا۔