کراچی کے حلقہ این اے 249 کے ضمنی الیکشن میں سیاسی جماعتوں کے رہنماؤں کی انتخابی مہم جاری ہے۔ اسی حوالے سے مریم نواز آج کراچی کا دو روزہ دورہ کریں گی۔
وہ مفتاح اسماعیل کے گھر سے ریلی کے ہمراہ بلدیہ ٹاؤن جائیں گی اور چاندنی چوک میں جلسے سے خطاب کریں گی۔
پاکستان مسلم لیگ (ن) کی مرکزی نائب صدر مریم نوازپارٹی عہدیداروں سے بھی ملاقات کریں گی۔
دوسری جانب امیدوار کی انتخابی مہم چلانے پر پیپلزپارٹی کی رکن قومی اسمبلی شاہدہ رحمانی کو الیکشن کمیشن نے وارننگ دی ہے جبکہ سرکاری املاک پرپارٹی جھنڈے لگانے پر پی ایس پی سربراہ مصطفیٰ کمال کو بھی شوکاز نوٹس جاری کردیا۔