شاہی خاندان کی ملکائیں جو بھی پہن لیں، ایسا لگتا ہے آسمان سے پری زمین پر اتر آئی ہو، کیونکہ بہت نفیس اور اعلیٰ قسم کے کپڑے اور زیورات پہنتی ہیں جن پر کسی کا بھی دل آ جاتا ہے۔ چاہے وہ ملکہ الزبتھ دوم ہوں یا پھر ڈیانا کی ماضی میں پہنی گئی جیولری، کیٹ مڈلٹن ہو یا میگھن سب ہی بہت نفیس قسم کی خاص جیولری پہنتی ہیں۔
لیکن اگر آپ نے غور کیا ہو کہ شہزادے چارلس کی آخری رسومات پر کیٹ مڈلٹن نے ایک ہار پہنا، جس پر سوشل میڈیا پر دھوم مچ گئی اور ہر جگہ تین ملکاؤں کی ایک ساتھ تصویر وائرل ہوئی اور لکھا گیا کہ یہ وہ ہار سے جو ملکہ الزبتھ سے کیٹ مڈلٹن تک تین ملکاؤں کی گردن کی زینت بنا۔
آخر اس ہار میں ایسی کیا خاص بات ہے کہ تین ملکاؤں نے اس کو مختلف مواقعوں پر پہنا؟
یہ 4 سٹرینڈ پرل ہار ملکہ الزبتھ کا ہے، اس کے درمیان میں لگا ہوا موتی ان کو جاپانی حکومت کی جانب سے تحفے میں دیا گیا تھا اور ملکہ نے اس کو اپنے لئے تیار کروایا تھا، لیکن انہوں نے ڈیانا کو اپنی پسند کے مطابق پہننے کے لئے دیا تھا، اور اب ڈیانا کے بعد وراثت میں یہ ہار کیٹ مڈلٹن کو ملا، جس کے بعد یہ ہار آنے والی نسل سے ان کی بہو کو ملے گا۔