جسم میں درد ہونے پر ہم سب ہی
ڈاکٹر کے پاس جاتے ہیں، کوئی حکیم کے پاس جاتا ہے مگر کچھ لوگ ایسے ہیں جو مالش کروانے کے لئے جاتے ہیں، چاہے جسم میں درد ہو یا کوئی ہڈی کا مسئلہ ہو وہ مالش کروانے کے لئے چلے جاتے ہیں، جس پر اکثر لوگوں کو اعتراض ہوتا ہے کہ مالش سے کیا ہوتا ہے یہ بس وقت کا ضیاع کرنے والی بات ہے۔
لیکن مالش کرنے کے بھی کئی فائدے ہوتے ہیں جوکہ آج ہماری ویب کی جانب سے آپ کو بتائے جا رہے ہیں، جن کو جاننے کے بعد یقیناً آپ بھی یا تو مالش کروانے چلے جائیں گے یا پھر خود اپنی مالش کرلیں گے۔
مالش کرنے کے فائدے:
٭ مالش کرنے سے جسمانی تھکاوٹ دور ہو جاتی ہے۔ آپ کے پٹھوں کو سکون مل جاتا ہے۔
٭ ہڈیوں میں جہاں کہیں خون کی روانی متاثر ہونے لگتی ہے وہ مالش کے ذریعے دوبارہ بحال ہونے لگتی ہے اور خون اپنے صحیح راستے پر گامزن ہو جاتا ہے۔
٭ مالش کرتے وقت دماغ کی رگیں کھلتی ہیں، حافظے کی بہتری کے لئے مالش کو اہم سمجھا جاتا ہے اور اس سے فالج کے اثرات کو بھی کنٹرول کیا جا سکتا ہے۔
٭ آنکھوں کی بینائی بہتر سے بہتر بنانے کا سب سے آسان ذریعہ مالش ہے کیونکہ اس سے ہمارا ریٹینا حرکت میں آتا ہے اور چیزوں کی شبیہ آنکھ کے پردے پر بہت جلدی اور بہت صاف بنتی ہے۔
٭
اس سے آپ کی جلد میں موجود فولیکلز اور ریشے مضبوط ہوتے ہیں، جس سے جلد کی خوبصورتی بحال ہوتی ہے، جلد کے پوروں میں موجود مٹی اور گردوغبار بھی پسینے کے ذریعے خارج ہو جاتے ہیں۔