بچپن کس کو یاد نہیں رہتا ، ہر شخص اپنے بچپن میں واپس لوٹ جانا چاہتا ہے کیونکہ اُن دنوں نا تو کسی قسم کی کوئی ٹینشن ہوتی نا کوئی ذمہ داری ، بس سارا وقت کھیل کود اور موج مستی میں گزر جاتا تھا اور یہی بچپن کی خوبصورتی ہوتی تھی۔

ہر شخص کو اپنے بچپن کی شرارتوں کا علم تو ضرور ہوگا اور آج ہم چند ایسی بچپن کی شرارتوں کا ذکر آپ لوگوں سے کرنے جا رہے ہیں جو یقینا آپ نے بھی کی ہوگی۔

1- پنکھے کے آگے آواز نکالنا

ہم میں سے کئی لوگوں نے اپنے بچپن میں پنکھے کے آگے دھیمی آواز میں منہ کھول کر آواز نکالنے کی شرارت ضرور کی ہوگی۔ یہ شرارت سوچ کر یقنا آپ کو اپنا بچپن بھی یاد آگیا ہوگا۔ آج کے بچے بھی ایسا کرتے دکھائی دیتے ہیں۔

2- واش بیسن کے سوراخ میں پانی بھرنا

بچپن کی ایک اور شرارت جس میں بچے واش بیسن کے سوراخ میں پانی بھرتے تھے۔ کیا آپ اب بھی ایسا کرتے ہیں؟

3- بالوں کے کیچر کو انگلی میں پھنسانا

بالوں کا کیچر یا کلپ اگر کسی بچے کے ہاتھ میں آجائے تو وہ اس سے ایک ہی شرارت کر سکتا ہے وہ یہ کہ اس کیچر کو کھول کر درمیان میں انگلی پھنسا دینا۔ جی ہاں یہ بھی ایک خوبصورت بچپن کی یاد ہے۔

4- ربر پر پنسل سے سوراخ کر دینا

ایسا اکثر اسکول کی کلاس میں پڑھائی کے دوران بچے کیا کرتے تھے۔ ربر پر پنسل کی مدد سے سوراخ بنا دینا بھی کمال کی بچپن کی شرارت تھی۔