روزانہ اخروٹ کھانے سے کیا ہوتا ہے؟ جانیے اخروٹ کے استعمال سے جسم میں آنے والی تبدیلی کے بارے میں

تمام خشک میوہ جات انسانی صحت کے لیے بہت مفید ہوتے ہیں انہیں میں سے ایک اخروٹ بھی ہے جس کا ذائقہ بہت مزیدار اور اس کی افادیت بھی بھرپور ہوتی ہے۔

مگر بہت سے لوگ اس خشک میوہ جات سے حاصل ہونے والے کرشماتی فائدوں سے لاعلم ہوتے ہیں۔

اخروٹ 2 اقسام کے ہوتے ہیں، ایک پتلے چھلکے والا اور ایک سخت چھلکے والا۔

ایک تحقیق کے مطابق معدے کی صحت مجموعی جسمانی صحت پر اثرانداز ہوتی ہے۔ اخروٹ کھانے کی عادت معدے میں مثبت پیدا کرتی ہے جبکہ یہ دل اور دماغ کی صحت کے لیے بھی بہت معاون ہے۔

اخروٹ کھانے سے خون کی شریانوں کے افعال میں بہتری جبکہ جسم کے لیے نقصان دہ کولیسٹرول کی سطح میں کمی آتی ہے، یہ دونوں عناصر ذیابیطس ٹائپ ٹو کا خطرہ بڑھاتے ہیں۔

اخروٹ کے استعمال سے پیٹ کی چربی بھی کم ہوتی ہے۔

اس کے علاوہ اخروٹ کینسر کے ممکنہ حملے کو کم کرنے میں مدد دیتا ہے۔

ذائقے دار اخروٹ میں کاپر کی مقدار بھی کافی موجود ہوتی ہے جو جلد اور بالوں کے قدرتی رنگ کو برقرار رکھنے میں مدد دیتے ہیں۔